البندري... كريسماس

شجعتني البندري جزاها ربي خير اني اتكلم عن هذا الموضوع ..

اولا ..

من الناحيه الشرعيه علاقتنا باخوانا المسيحين او باقي اهل الكتاب لابد تكون ع قاعدة الولاء والبراء .. يعني اني احسن لهم ما دام لم يؤذوني ويحسنون الي .. وجائز لي ان اتبادل معاهم المصالح .. من تعليم تجاره .. هدايا ... الخ

اما البراء ..

1. فاني ما اايدهم على شركهم بالله ..

ولا اقرهم ع ذلك فاي من خلال مشاركتي لهم في هذا راح اكون ايدتهم وافررتهم ع شركهم فهم يحتفلون بمولد عيسى عليه السلام الذي يدعون انه ابن الله فمن خلال المشاركه ساكون اقررتهم على هذا الكفر

2 اني ما افضل عليهم المسلم .. حتى لو كان المسلم عوبه ويلوع الجبد ..

3 اني ما احبهم في قلبي وتكون علاقة ود وحب بينا ..

4 طبعا يجوز الزواج من نسائهم مع عدم اقار الرجل ع شرك زوجته

ثانيا تجربتي مع العيد ..

لما كنت صغيره ونظرا لظروف سفر الوالد الى بريطانيا وامريكا ومخلطتنا لهم وكثرة اسالتنا ليش ما نحتفل مثلهم ؟!!!

فكان للوالد ه جزاها ربي كل خير وبارك لي واخواني فيها فكره ..

انه كل عيد نزين البيت وكانت تشتري الزينه بعد انتهاء الكريسمس او راس السنه وتحتفظ فيها للعيد ..

وتجمعنا لليلة العيد وتخلينا احنا اللي نزين البيت

وكانت تعطينا فلوس وتودينا محلات الهدايا نشتري حق بعض وحقها وحق بابا بعد ونغلفها بايدنا ..... او كانت تحب انه الهديه تصير هاند ميد سنه وره سنه كانت للعيد فرحه خاصه فعلا ومازلنا ع هذا من عشرين سنه ... الحين علمت اطفاتلي يسوون نفس شي طبعا تزيين البيت وتوزيع الهدايا تكون ليلة العيد في بيت امي .. اتمنى اتجربون هالشي

راح تلاقون للعيد فرحه ونااااسه ما تنسى ..

..