11 سنه زواج ....

عام اطل ..

وذكر عام قد افل ..

والعمر عجل ..

باللقاء مع الامل

مع فرحتي بالعام الهجري الجديد احتفل ببلوغ طفلي الالسنه الخامسه

اسال المولى له طول عمر وحسن عمل وان يقر عيني به وباخوانه بحفظ كتاب الله ..

مع فرحتي بالعام الهجري الجديد اقف ع اطلال .. الذكرى ال11 لزواجي

...

ماذا اخذت وماذا اعطيت ..

كم فرحت وكم تالمت ..

كم ضحكت وكم بكيت ..

من الذي فاز بالنهايه افراحي ام اتراحي ....

لولاك ماكنت افياء

شكرا لك 11 سنه زواج

ساكتب مذكراتي وقصتي للعبره ..

ساصوغها بحبر دموعي وسارسمها ..

بضحكاتي البارده التي مضت ...

وساضيئها بعطائي

واستودعها الرحمن الرحيم محتسببة

وسازينها ..

بكم احبابي ..

ابي وامي ..

واخواتي ..

وصديقاتي

واخواتي في الله ..

واختمها شكرا وحمدا للواحد الديان ..

فتابعوا مذكراتي

ودمتم لي احبة وخلانا

وش جاب هذا اهني!!!!!!!!!!!!!!!!!!!!!!!!!!!!!!!!11

بصراحه انا مادري وش جاب هذا اهني

لكني كنت اعرف ايش جاب المفتاح في معدة طفل عمره 5 سنوات

اهو واحد من اقاربي السالفه قبل 25 سنه

لما كان عمري 4 سنوات كنا نلعب مع بعض وامهاتنا يصلون التراوييح وعشان مانزعجهم صكو علينا الباب وكان الحبيب متاثر واااااااااااااااايد بتوم وجيري ..

فجاه اخذ المفتاح وبلعه

بقق عينه وصار ازرق قمت اصارخ وابجي ومحد ملقيلي بال

خاشعين وايد بس سلمت امه

شافته بهالمنظر المريع اخترعت قتلها ماصدقتني لين ودوه المستشفى وسووله اشعه يالله صدقوني !!!!

الاشعه لي لحين امه محتفظه فيها والمفتاح مرتز بمعدته !!!!!!!!! ..

وانا حالفه اذا تزوج الا اقول حق زوجته ..

عن هذي وباجي مغالبه معاي ..

السالفه الثانيه ابووه كان في احد الدول العربيه ايام الغزو الله لايرده اااطر (ماعرف شلون اكتبها ) ان يسوي عمليه جراحيه بامعاءه وما ترقع بعدها ..

رد المانيا ..

سووله اشعه شافو الابره ناسينه ابطنه

سبحااان الله ..

اترك لكم التعليق

ابداع ... بال ............

ترددت اكتب اليوم عن هذا الموضوع من باب حفظ العمل ... ومن باب الاخلاص اللي شجعني اني انقل هالخبره ... انت ..
نعم انت او انتي اللي قاعده تقرين وما تعلقين ...

حبيت انقل هالتجربه اللي اهي جديده علي ويمكن غيري جربها قبل ..
لما حببنا حبيبنا المصطفى محمد صلى الله عليه وسلم بالصدقه ...
تركها مفتوحه لنا المهم فيها الاخلاص ورسمة البسمه ع وجه المتصدق عليه سواء كان غني ام فقير
لانه ما يشترط ان يكون فقير ..

بعيدا عن كل المداخلات الفقهيه
واعتذارا من كل واحد راح يقول بدعه انا مقتنعه بالي سويته .. واللي ادعوا له
اترك لكم تجربتي اللي اتمنى انكم اتجربونها

قبل ايام وصلت حق اختي هديه وكان داخلها كوب فلين مع غطا مكتوب داخله ..
تخيل انك بردان واحد قدم لك شراب دافي شنو شعورك ... حاول ان ترسم هذا الشعور ع واحد اخر قاعد في البرد ..

الفكره اعجبتني طبعا طلعنا كلنا ندور فقييير بردان نعطيه هذا الكوب ولما لقينا واحد .. عطيناه استغرب .. شكرنا ..
ومشينا .. اقترحت عليهم بدل ما يكون واحد يكون اكثر فقررنا كل وحده فينا توزع الكوابه في منطقتها يوم السبت وهي رايحه الدوام ..
اطفالي حيل تحمسو حق الفكره ونا مو مبجر عشان تنفيذها ..

قعدنا الصبح وكنت متفقه مع الشغاله تجهز الشاي والسكر ..
طبعا اللي ساعدني بنيتي عمرها 7 سنوات ربي يحفظها لي ..

وقمنا بعد التحضيير بالتوزييع ..
ردة فعل العمال حيل تعور القلب مو مصدقيين احد مقدرهم ويعطييهم شاي .. مومستخدم نظيف ومغلف ..وزدنا عليه بقصم ((مو امنفقوا مما تحبون وانا احب البقصم ))
اللي عور قلبي واحد عند منحطة الباص ..
شكله كويتي غتره واعقال بعد ما عطينا الجاليات ناديته فقام ودعالي .. توقعت انه غير كويتي .. لكن ما صدت ولا كلمه او لكنه غيير كويتيه الله اعلم بظروفه ..

استغفر الله .. استغفر الله كنت ادعي ان يكون اليوم برد !!!
عشان ادفيهم ..
(:

واحد قام بس يحنمد ربه .. الحمدلله الحمدلله ..

وثاني عند مدرسة بنتي اول ما عطته قطه جان اقوله هذا حقك قام يطالعه وهو مكرميين بالزباله ..
عطيناه واحد ثاني بخليكم مع الصور

أي صج كان لج نصيب من الاجر يالبندري ...
لاني استخدمت كلنكسج في توزيع البقصم
وجزاج ربي خيير ياصاحبة الفكرؤه المبدعه وابشرج كل واحد راح يقوم بهالمشروع في ميزانج انشاء الله

مرحلة الاعداد ..... والتحضير

كلنكس البندري

في السياره....................

بنيتي ... توزع الشاي والبقصم .. وشوفي الكلنكس يالبندري .. يابختج (: ..

آخر المطاااااف ربي لك الحمد ...

صديقاتي .. البقرات

بقراتي
اعرفكم ع اعز صديقاتي ..
هذول البقرات الظراف هم صديقاتي المخلصات ..
\\ احبهم واعزهم ..
طبعا التعليقات علي وايد لكن فعلا ما اقدر افارقهم ..
ما ارضى عليهم وما يرضون علي ... طبعا هذا الحب مو جديد ... اهو علاقه مستمره من كنت بالمتوسط لاني قبلهم كنت احب الدببه ... بس حسيت ان ما عندي سالفه ..بحب الدببه وتعلق القلب بالبقر ...
وع مر الزمن بينت اصالتهم ..
البقره انسانه عجيبه ... اول ما طيح عينك بعينها تحس بالعطاء والتسليم ..
بالحب والدفئ ..
بالاخلاص تخيلو .. طول فترة ركودي في الفراش مدة ستة اشهر ..لاء كانت اكثر من ثمن اشهر وانا بفراشي وانا مجابله البقره اللي راح اعرفكم عليها وايد من صديقاتي ملو وايد من اهلي كلو الا البقره
مواقف ومواقف كثيره صارت لي منها ..
؛؛؛ كنت متعرفه ع وحده من احياء تالتراث ولما كانت تزورني وانا مريضه شافت تعلقي بالبقر ..فخافت ان تكون عقيدتي مختله ..!!!!!!
فقامت واهدتني .. شريط حق احد المشايخ بس ما اتذكر اسمه .. اسم الشريط كنت في بلاد لعجائب الشريط حده كول .. كان يتكلم الشيخ عن اللي شافه من عجايب الهنود ..
من القصص الظريفه .. انه مجموعه من الطلبه هناك ملو من اكل الخضار .. فقررو يذبحون بقره وياكلون لحمها..
والقانون الهندي طبعا يمنع التعرض للبقر .. فشلون القتل !!!!!!
الحبايب شرو البقره .. وصعدوها شقتهم لاحظو المعانات ..
بعد هذا افرشو وجهزو العده عشان يذبحونها ..
صار الليل وتاكدو ان الكل نام سمو واذبحوها وصلخوها .. وقطعوها وفرزنو الباجي واطبخوشوي منهم ..
ربعنا استانسو ع السالفه بعد جم شهر ردو سوو نفس السالفه ..
الهندوس شكو فيهم قالو كل مره تدخل البقره وما تطلع وين يودونها !!!!
نطرو بعد جم شهر شرو البقره الثالثه دخلوها وبعد ساعه اسمعو ضجه كبييره .. طل واحد منهم من الدريشه شاف الهندوس متجمعين وبيدهم سكاكين وارماح وحدايد ..
صرخ رحنا فيها ..
قالهم واحد انتو لهوهم وشيلو الاغراض وانا علي الباجي .. بلحظات دخلو البقره غرفت النوم
ودخلو الهندوس عليهم ...
انتو وين تودون البقر .. انتو تقتلونهم .. طبعا بصراخ فطلع واحد منهم من غرفة النوم فقالهم :
اشششششششششششششششششششششششششششششششششششششششششششش
ازعجتو البقره كانت تستعد للنوم ..
فما صدقوه ودخلو الغرفه فشافو البقره نايمه ع الفراش ..
وصاحبنا يمكها ..
فسشجدوا لها كللهم ..
ورجعو ورا ..وسكرو الباب وراهم بكل هدوء انطرو الحبايب جم يوم لما هدت الاوضاع واذبحوها وكانت اخر بقره لهم ..

***** هذي اظرف قصه في الشريط طبعا صاحبتي ثاني يوم اسالتني اذا كنت سمعت الشريط قلت أي وقلت حق لخادمه تنظف البقرات اللي عندي ... فشكت فيني ازياده .. كيفها الحمدلله والشكر
:::::"""""""


موقف ثاني
اول ما تزوجت وانتقلت عش الزوجيه كان صعب علي ان اترك دببتي البقر

فما قدرت انام ... بعد جم اسبوع انطق الجرس ولا سله ماما الله يحفظها حاطتلي بقراتي فيها ودازتها لي قمت اصارخ وابجي والم زوجي واهو مصدووم مني طبعا ما قدر يسالني حزتها ... لكن طاقته البوه اشفيها مرتي ..!!!
بعده فهم السالفه ..


""""""" مره وانا بالثانوي .. كنت رايحه المزرعه وكان في بقر توهم يايبينهم من هولندا .. طبعا هذا النوع اللي احبه اما بقر الكويت فانسو ..
اخاف منهم ..
وكنت حزتها فيني فوبيا من كل انواع الحيوانات والحشرات ..
قربت وقلبي بيوقف لانه حبي لهم من بعيد لي بعيد ..
حب بيريئ ..(:
فجاه جان تنط البقره وركظت وراي ووانا اصارخ وهي تركض وبابا يركض وراي والمزارعين وعيالهم كل القبيله اقل من 3 دقايق انا قاطعه كل المزرعه بعدها ما ادري انا ويني
بس هم احبهم ..

المواقف كثيره اخر موقف ..
لما سافرنا الصيفيه اللي طافت .. كنت مع صديقتي ورزوجه والحمد لله كان زوجها صديق زوجي من المتوسط فالعايلتين مندمجين مع بعض وكانت تعرف تعلقي بالبقر وكان من اهدفي السنه اللي طافت اني احلب بقره ..!!!
وكانت عارفه هالشي فكلنا كل ما مرينا على بقر دزت لي مسج لان كل عايله في سياره وكان زوجها ما يدري عن شغفي بالبقر ..
وكنت عنده المرأه المثاليه ..ودايما يوصي زوجي اني اعلم زوجته واوصيها عليه ... يعني سوالف رجاجيل ..
ما علينا عقب ..
قلنا خل نصير بسياره وحده .. لان اليهال يبون بعض .. فكل ما مرينا بقر زوجي يقولي واطفالي ..:
ماما ماما بقره .. ويصير ازعاج وبعدين عيالها قامو يقلدون اطفالي خالتي شوفي بقره ..
وكان يسكت ..زوجها ..
بعد ايام .. سالها اشفيهم بيت بو فلان كل ما شافو بقر استانسو جان تقوله ست الحسن ..
هو ما تدري ان ((افياء )) تحب البقر L
طحت من عينه احس قام يطالعني بنظره ثانيه ..
وحاولت اصير تكانه بس ما كو فايده اول ما تقابلت وجها بوجه مع الحبيبه البقره ..قمت المها واقول حق زوجي يصورني مع البقره ...
طبعا الرجال تنحى واحس يطلعني من بعيد ..
ويقول بنفسه الحمدلله والشكر ..
\وانا اقول مسكين كل واحد ما يقدر البقر ...


بصراحه احنا عيشتنا ع البقره ..
في احد ما ياكل توست ..والتوست فيه حليب ..
فيه احد ما ياكل كيك والكيك من مكوناته الزبده اللي اهي من حليب البفره ..
في احد ما يتفطر ع البن ..
في ا ..
\البقره مخلوق عجيب ..
كافي اهي الوحيده الل متحملتني ولا تذمر مني ..
اذا في احد فيكم شاك بهاشي خلي يطالع عيونها ..
اللي تعلمته من البقره ..
اني اعطي من غير مقابل واني ادلل حالي وابتسم دائما .. في وجه الصعاب ..
طبعا هذي احد الفلسفات .. العجيبه بحياتي ..
اللي كل من عرفني ..يستغرب من هالشي لان شخصيتي مو ذي بس هم احبهم اعرفكم ع المجوعه اللي عندي
...

اياها صديقتي وجارتي الحبيبه من محل بير ستور .. انطر منها تيب لي ملابسها بس لي الحين ما وصلني شي ..

هذي حصالتي اخذتها من ميونخ ..كلها استراس قررت اجمع فيها الف دينار

وبغيت اشتري صديقه الشرطي الثور خفت انفهم غلط !!!! (%

والثانيه اهداني اياها زوجي بقره يمكن في مناسبه حمار عزكم الله

هذا سيت فطور شريته حقي وحق زوجي ربي يحفظه استنكره اول شي

بعدين تعلق فيه مايحب يشرب حليبته الافيه (:

طبعا يكسر خاطري لان مطاوعني بهالاشياء الحمد لله .

ماا هذي فهي حاملة تلفوني وهمي لصغر حجمها فهي قريبه مني دائما .. احبها حدها عبيطه ..

كلمه اخييره صج احب البقر لكن ما احب اتشبه فيهم ..

وشبعت من هدايا البقر صار عندي فوق الخمس تي شيرت .. وست بيجامات ... غير الدلاقات ... والكوابه ... حتى اطفالي قامو يهدوني اشياء ع بقر ..

ماني عارفه شلون انهي الموضوع بس اذا احد يعرف احد يبي ايبيع بقره صغيره صجيه مستعمله خلي يقولي ...

صووووووغة الحج

### من يوم الجمعه وانا احوس ع ستقبالات الحج ..
وكل استقبال يقول الزود عندي ... بصراحه بذخ شي مو طبيسعي واحد من الاستقبالات حسبته استقبال عروس كل الموجودين كانو لابسين لبس سهره ... والبوفيه شي .. وعلب الهدايا ..
كل شي بالكوييت فيه تفلسف زياده حتى فقدنا روح الوناسه والبهجه اتذكر لما كنا صغار حدث مهم ان احد من العايله يرد من الحج منو يتذكر معاي القلوب للي يعطونا اياها صوغه اللي جايين من الحج اللي لونه احمر مع فصوص ذهبي وفصوص ازرق .. وشي ذهبي فيه صورة الكعبه والخواتم اللي بسرعه تعوا (:
وال البيضه اللي داخلها الكتكوت والكامير اللي فيها صور الكعبه والمدينه .. فعلا كانت وناسه مع ان الهدايا لو بنيبها حق اعيالنا جان احذفوها بوجيهنه ..

عموما تقبل الله طاعتكم وبلغنا واياكم السنه الجايه ..
# ربي كريم ..اذا الانسان نوا الحج من الحين وما راح السنه الجايه لاي ظرف او لاقدر الله مات تكتب له حجه بس ع النيه ..
# اليوم قعدت ع النت 4 ساعات ادور قصص ايجابيه لبر الوالدين ما لقيت الا قصتين طبعا كل الي ذاكرينه شي سلبي واحد قتل امه بصخره واحد ودا امه دار المسنين ..
شنو الدنيا ما فيه خيير قلت ماراح اسكر النت الا لما الاقي قصه ايجابيه ان متاكده ان فيه امثله ايجابيه الامه ما انعدم الخير منها ..
اخيرا لقيت قصتين حلولين ..
الاولى ::
أم عبد الملك – أمريكية – مسلمة - نشرت قصتها مجلة " الدعوة " السعودية أول مرة سمعت فيها كلمة الإسلام : كانت أثناء متابعتي لبرنامج تليفزيوني ، فضحكت من المعلومات التي سمعتها ... بعد عام من سماعي كلمة " الإسلام " استمعت لها مرة أخرى ..ولكن أين ؟ في المستشفى الذي أعمل فيه حيث أتى زوجان وبصحبتهما امرأة مريضة .. جلست الزوجة تنظر أمام المقعد الذي أجلس عليه لمتابعة عمليوكنت ألاحظ عليها علامات القلق ، وكانت تمسح دموعها .. من باب الفضول سألتها عن سبب ضيقها ، فأخبرتني أنها أتت من بلد آخر مع زوجها الذي آتى بأمه باحثا لها عن علاجلمرضها العضال .. كانت المرأة تتحدث معي وهي تبكي وتدعو لوالدة زوجهابالشفاء والعافية ، فتعجبت لأمرها كثيراً ! تأتي من بلد بعيد مع زوجها من أجل أن يعالج أمه ؟تذكرت أمي وقلت في نفسي : أين أمي؟ قبل أربعة أشهر أهديتهازجاجة عطر بمناسبة " يوم الأم " ولم أفكر منذ ذلك اليوم بزيارتها!هذه هي أمي فكيف لو كانت لي أم زوج ؟! لقد أدهشني أمر هذين الزوجين .. ولا سيما أن حالة الأم صعبةوهي أقرب إلى الموت من الحياة .. أدهشتني أمر الزوجة.. ما شأنها وأم زوجها ؟! أتتعب نفسهاوهي الشابة الجميلة من أجلها ؟ لماذا ؟ لم يعد يشغل بالي سوى هذا الموضوع ؟ تخيلت نفسي لو أني بدلهذه الأم ، يا للسعادة التي سأشعر بها ، يا لحظ هذه العجوز ! إني أغبطها كثيرا ... كان الزوجان يجلسان طيلة الوقت معها ، وكانت مكالمات هاتفيةتصل إليه من الخارج يسأل فيها أصحابها عن حال الأم وصحتها ..دخلت يوما غرفة الانتظار فإذا بها جالسة ، فاستغللتها فرصة لأسألهاعما أريد .. حدثتني كثيرا عن حقوق الوالدين في الإسلاموأذهلني ذلك القدر الكبير الذي يرفعهما الإسلام إليه ، وكيفيةالتعامل معهما ..بعد أيام توفيت العجوز ، فبكى ابنها وزوجته بكاءا حارا وكأنهماطفلان صغيران ... بقيت أفكر في هذين الزوجين وبما علمته عن حقوق الوالدينفي الإسلام ... وأرسلت إلى أحد المراكز الإسلامية بطلب كتاب عن حقوق الوالدين .. ولما قرأته .. عشت بعده في أحلام يقظة أتخيل خلالها أني أم ولي أبناء يحبونني ويسألون عني ويحسنون إلي حتى آخر لحظةمن عمري .. ودون مقابل .. هذا الحلم الجميل جعلني أعلن إسلامي دون أن أعرف عن الإسلامسوى حقوق الوالدين فيه ... الحمد لله تزوجت من رجل مسلم ، وأنجبت منه أبناء ما برحتأدعو لهم بالهداية والصلاح .. وأن يرزقني الله برهم ونفعهم ...القصه الثانيه:
تحمُّلٌ عظيمٌ.. برًّا بالأب
حدث في زمن الخلافة العباسية في بداية القرن التاسع الميلادي أن الخليفة أمر بحبس رئيس الوزراء (يحيى البرمكي)، وحبس معه في نفس الزنزانة ابنه (الفضل بن يحيى البرمكي)، وكان ذلك في فصل الشتاء، وكان البرد قارسًا والزنزانة ضيقة ورطبة، وكان الأب يحيى شيخًا في الثمانين من عمره، ولم يكن يتحمَّل الوضوء بالماء البارد، فحاول الابن أن يسخِّن الماء ببطء على السراج (المصباح) الذي يضيء الزنزانة، وعندما رأى السجَّان ذلك رفع السجَّان السراج بعيدًا عنهما حتى لا يستخدماه.

وفكر الابن في طريقة يدفئ الماء لأبيه بها، واهتدى الابن لحلٍّ مؤلم وصعب ليرتاح أبوه، فكان يحتضن إناء الماء ويضعه على جمسه مباشرةً ليمتص من جسمه شيئًا من الحرارة، وكان يفعل ذلك خفيةً أثناء نوم أبيه، وصحا الأب ذات ليلة ليرى هذا المشهد فدعا لابنه بالخير ومنعه من تكرار ذلك.

الثالثه ..
ام ضحت برضيعها من اجل انقاذ امها العاجزه بعد اندلاق حريق ببيتها .. اذكر قصتها عقب انشاء الله

..