Thursday, July 12, 2007

جيل دوت كوم

الاسبوع الماضي كنت القي دوره في قوانين النجاح لاحد النوادي الصيفيه للفتياة من عمر 13-18 سنه ..رغم اني استمتعت جدا بتدريبهم الا
اني حزنت وشعرت بمسؤوليه على عاتقي تجاهن
خلال يومين من التدريب اكتشفت اشياء بهذا الجيل ..
اليوم الاول ..
وقفت على مسرح التدريب وكنت اظبط الداتا شو والاب توب قدر الله ان لايعمل الداتا شو فطلبت من الاداره اذا عندهم يجيبونه لي وماقصروا بسرعه جابو
خلال هذه الفتره كانت القروبات تتجمع ..
وبحاله مز
وقلت ماراح اتكلم الا لما تهدون عجه جدااا
اقعدوا كلهم ورغم محاولات المشرفت الانه ظل الازعاج والسوالف مستمره
وقفت وانا اتاملهم وابتسم
وظلو على حالتهم
قلت لابد من الهدوء
لااحد يستجيب امسكت المايك وقلت
مااراح اتكلم لما تسكتون او راح اشيل قشي وارد مع اني احب القعده معاكم
استحوا اشوي واسكتو
بديت الدوره
باول القوانين
الى ان وصلت الى تصور النجاح
فسالتهم كم واحده عندها هدف تود تحققه
كان العدد 140 طالبه مع المشرفات يوصل 150
تصورون اللي رفعو ايدهم 3
فقط !!!!!
ابتسم قلت بس !!!
في وحده
عندها هدف حتى لو بعد اشهر
لاتتكلمون
بس رفعوا ايدكم
الزياده كانت واحده
الحين منو اللي فيكم تحب تقولنا شنو هدفها
قالت وحده : انا
قلت تفضلي..
قالت اتخرج من الثانويه وادخل الجامعه واتوظف
قلت وبعدين...
قالت بس وبعدين اظلين طول عمرج...
موظفه اسكتت
فتكلمت عن الهدف وصياغة الهدف
وقلت عليكم واجب كل وحده تتخيل نجاحها وتتخيل بعد 20 سنه شنو تبي تصير
ورحت البيت وافكر في جيل المعلومات والنت ..
في جيل القنوات الفضائيه ..
الى هالدرجه من ال150 واحده عندها رؤيه واضحه لمستقبلها وحد تفكيرها موظفه !!!
فاحسست فعلا ن هذا الجيل بحاجه كبيره لمن يوعيهم ويرشدهم ويحدد اهدافهم ويساعدهم في فهم هذي الحياة
اليوم الثاني
قانون التفاؤل
قالت وحده من الحضور ماكو فايده انا منحوسه وكل مامشيت بالتفاؤل ينقلب ضدي
اكسرت خاطري يمكن عمرها 14 سنه
شنو شافت من البلاوي عشان تقول جذي ..
سالتها ليش قالت طلعت من الامتحان وانا مستانسه وطلعت النتيجه اني ساقطه
قلت وبعدين
قالت ساقطه
قلت وشنو حجم الخساره اللي تخليج تعيسه ومنحوسه وماكو فايده
فقدتي ايدج مثلا ..عينج امج ابوج
وين تفاؤلوا بالخير تجدوه حاورتها تقريبا 10 دقايق لينابتسمت مره ثانيه
بعد انتهاء الدوره قالت لي بيني وبينها ..
انا من اليوم قررت الاسم لي هدف وراح اتخرج واصير .. مساعده للناس وابيج تساعديني ارسم اهدافي ..
قلت راح اشوفج يوم وانتي تساعدين الناس
ومتفوقه وسعيده جد
قالت انشاء الله اوعدج
والثانيه نفس الكلام
استمتعت جدا معاهم باقي اليوم الثاث
جيل همه الوناسه والفلوس لااهداف ولاشي الا من رحم الله
واتوقع ان التشاؤم بسبتنا احنا بسبت الاهل والمجتمع اللي مو عاجبه شي
وبس ينتقد ويتحلطم حرام تفاؤلوا وابتسموا عشان جيل المستقبل
باذن الله راح اكتب عن بعد قوانين النجاح
سؤال .. شنو هدفكم بعد 10 سنوات

22 comments:

Kuw_Son said...

فعلا .. الناس اللي تربي هم المخولين في زرع مفاهيم النجاح و التفاؤل في نفوس من يعولون ..

المراهقين يشوفون اللي أكبر منهم يتحلطمون .. فيبدون حياتهم بسخط .. و تنحصر أهدافهم في إشباع حاجاتهم فقط دون الاهتمام بحاجات الآخرين أو التفكير أننا تعيش في تكافل .. كل يساعد الآخر على تحقيق أهدافه ..

الأنانية و الأنا هي سبب الجشع و طغيان التفكير في الفلوس و المنصب و انحسار الرؤية المستقبلة إن كانت موجودة أصلا !!

شخصيا .. ما خططت

albandry said...

سالتيي هالسؤال وتوهقت


اعتقد انه المرأة اللي تتزوج صغيرة تلغى اهدافها بطريق غير مباشر

واهدافي ا للي كنت حاطتها
بح
مفيش

Abdulla Al Ameri said...

موضوع جدا رائع

انا مخطط اني انشأ مدرسة ابتدائية

Unknown said...

مشكلة الكويتية او الشخص الكويتى عموما يتحبط بسرعه ويحط الاخطاء على اى شماعة جدامه ما يصير على ان يغير من نفسه
وعلشان جذى يطلع الشى على عيالنا

barrak said...

بعد عشر سنوات

اهاجر

عريب الروضان said...

أفياء سؤال أود أن تطرحيه على نفسك أو على مجموعاتك
لو أن من تحاضرينهم شباب وليس شابات فماذا تكون النتيجة برأيك؟؟؟؟؟
أنتظر منك مسج

afyaa2 said...

kuw-son
ربما تكون الانا والانانيه سبب لكنها سبب للطموح والعطاء الايجابي اذا كانت من باب حب الذات من اجل النهوض بالاخرين ..

afyaa2 said...

البندري ..

شفتي تلغي اهدافها بطريق غير مباشر لكنها تستطيع اعادة ترميم لهذه الاهداف بطريق مباشر او غير مباشر ..

تصوري نفسج بعد 10 سنوات هل ستازالين على حطتج

afyaa2 said...

مشاري..
صدقت..

afyaa2 said...

براك ..
..

بعد عشر سنوات .. اهاجر فكرت فيه اشكرك على مرورك وتعليقك ..

afyaa2 said...

ديمو..

اشتقنالج ..
بصراحه ما فكرت بهالشي ..
ولااتوقع اني احاضر او ادرب شباب ..
كلش ما اقدر اتصور ..ذ
يمكن عن طريق غير مباشر ممكن (:

Hot Chocolate said...

أفياء

يسعدني المشاركة في موضوعك هذا
في البداية أود أن أسجل إعجابي بشخصيتك و بالمجال الذي اخترتيه لإلقاء محاضرات لأبنائنا

بخصوص الأحلام التي يود الأطفال تحقيقها قد تكون بريئة في البداية لأنهم وباختصار يفكرون بأحلام محدودة قد تنتهي .. مثل أن يتخرج من المدرسة ويدخل الجامعة .. ولكن ما أن يبلغ الطفل سن الرشد ويبدأ بالتفكير بصورة أفضل سيرى أن أحلامه كانت مجرد أمور عادية و قد يضحك عليها أيضا
البيئة التي يعيش في الطفل لها دور كبير
فالطفل الذي يفكر بأحلام تستحق التحقيق قد يكون من حوله لهم تأثير على طريقة تفكيره و يتأثر بمدى ثقافة الناس التي حوله
وهذا هو الفرق بين طلاب المدارس وطلاب الجامعة ... فطبيعة الثقافة التي حول الشخص لها دور كبير
ولا ننس أيضا دور البرامج التي تحث على تحقيق النجاح على الصعيد الشخصي

أما ما أود أن أحققه خلال 10 سنوات قادمة بإذن الله الكثير

أن أثبت وجودي في مقر عملي .. و أكون في موضع مسؤولية ... و أصحح الكثير من الأخطاء الموجودة في الشركة

إكمال دراسات عليا في تخصص أنا من يختاره

و أخيرا أكون عضو يشارك في المجتمع بهوايته كمتطوع

والسموحة على الإطالة

نفسنا said...

ندعوكم لزيارة العدد الثالث من مجلة نفسنا

عريب الروضان said...

أفياء أنا ما قلت أنش تحاضرين لشباب أو أنصحش بهذا أنا قلت لو أن البنات كانوا شباب هل كانت ردة الفعل مشابهه أو راح تلقين الآفاق أوسع والطموح موجود طبعا أنا ما اقترحت أنش تحاضرين لشباب
شدعوة أفياء مو لي هالدرجة لما أرد الكويت راح أتفاهم معاش

salfa3ajeeba said...

1)have my own project and,

2)work abroad,

3)publish at least 10 papers,

بـركـــــان said...

أدعواجميع أخواني المدونين و المدونات بزيارة الموقع التالي و كتابة فقرة لا تزيد عن خمسة أسطر دعما لحرية الكلمة و الفكر بالكويت ..ادخل عن طريق البريد الالكتروني التالي و اضف مقال باسم مدونتك .. و انشروها لنثبت لهم ان الشعب الكويتي شعب حي لا يهاب الترعيب و الترهيب.

http://q8ifreedom.blogspot.com/


E mail: q8ifreedom@gmail.com


Password: abc123456




FREE SPEECH IS PATRIOTIC


MICHAEL MOORE 2004

Abdulla Al Ameri said...

مبارك عليج الشهر الفضيل

وينج لا حس و لا خبر

Young entrepreneur said...

السلام عليكم
زوروا العدد الثاني من مجلتاكم و قولولنا رأيكم
Trateesh kalam

Mamloo7a Q8ia said...

تقبل الله طاعتج
وعيدج مبارك

فنر said...

حياج الله في بلوقي

همس الورد said...

السلام عليكم

طبعا فتره المراهقه فتره صعبه شوي تكثر فيها الاحاسيس وتختلط فيها المشاعر ويحتاجون الكثير من الصبر والمحاوره ومعاملتهم كالكبار وبالفعل انا اتفق معاج يا اختي ان الجيل الحالي مو عارف اهو شنو يبي وبالفعل لازم نحاول انبث فيهم التفاؤل والامل الله يعطيج العافيه

شكرا

ReLaaaX said...

كملتي سنتين ومالج أي حس ولا خبر !
عسى ماشر؟